Product Code: 151
Availability: 9

Limited time offer

₹350.00 ₹500.00

ನಾಗರಿಕಪೂರ್ವ ಯುಗದಿಂದ ಆರಂಭಿಸಿ, ಸಮಕಾಲೀನ ರಂಗಭೂಮಿಯವರೆಗೆ; ಅಮೆರಿಕಾದಿಂದ ಆರಂಭಿಸಿ ಚೀನಾ-ಜಪಾನುಗಳವರೆಗೆ; ಪ್ರಪಂಚದ ವಿವಿಧ ಕಾಲ-ದೇಶಗಳ ರಂಗಸಾಧನೆಗಳನ್ನು ಪರಿಚಯಿಸುವ ಪ್ರಯತ್ನ -- ರಂಗಪ್ರಪಂಚ.  ಆಸಕ್ತ ಓದುಗ ಮತ್ತು ಅಭ್ಯಾಸಾಕಾಂಕ್ಷಿ ವಿದ್ಯಾರ್ಥಿ -- ಇಬ್ಬರನ್ನೂ ಗಮನದಲ್ಲಿಟ್ಟುಕೊಂಡು ರಚಿತವಾದ ಈ ಪುಸಕದಲ್ಲಿ ಪ್ರತಿಯೊಂದು ರಂಗಭೂಮಿಯ ಉದ್ದೇಶ, ಸಂದರ್ಭ, ರಂಗಮಂದಿರ, ರಂಗಸಜ್ಜಿಕೆ, ಸಂಘಟನೆ, ಅಭಿನಯ, ರಂಗತಂತ್ರಗಳು, ಮೀಮಾಂಸೆ ಮತ್ತು ನಾಟಕಸಾಹಿತ್ಯ -- ಈ ಎಲ್ಲ ವಿಷಯಗಳನ್ನು ಪರಿಚಯಿಸುವ ಜತೆಗೆ ಆಯಾ  ರಂಗಭೂಮಿಯನ್ನು ಅದರ ಸಾಮಾಜಿಕ-ಸಾಂಸ್ಕ ತಿಕ ಹಿನ್ನೆಲೆಯಲ್ಲಿ ಕೂರಿಸುವ ಪ್ರಯತ್ನವನ್ನೂ ಮಾಡಲಾಗಿದೆ.

... ರಂಗಪ್ರಪಂಚ ತನ್ನ ಗುರಿ ಸಾಧಿಸಿದೆ.  ಕನ್ನಡದ ವಿಚಾರವಂತ ಸಾಮಾನ್ಯ ಓದುಗನಿಗೋ ವಿದ್ಯಾರ್ಥಿಗೋ ಎಷ್ಟು ಬೇಕೋ ಅಷ್ಟನ್ನೇ ಇಲ್ಲಿ ಸಂಗ್ರಹಿಸಿ ವಿಶ್ಲೇಷಿಸಲಾಗಿದೆ.  ರಂಗಕರ್ಮಿಗಳಿಗಂತೂ ಇದೊಂದು ರನ್ನಭಂಡಾರವೇ ಆಗಿದೆ.  ಇದೀಗ ಹಳ್ಳಿಪಳ್ಳಿಗಳಲ್ಲಿಯೂ ಆ ಬೀದರಿನಿಂದ ಈ ಸುಳ್ಯದವರೆಗೂ ರಂಗೋತ್ಸಾಹಿಗಳು ತುಂಬಿ ತುಳುಕುತ್ತಿರುವಾಗ ಅವರಿಗೆ ಸ್ವಸ್ಥಾನ ಪರಿಜ್ಞಾನ ಮೂಡಿಸಲು ಈ ಗ್ರಂಥ ಉಪಕಾರ ಮಾಡೀತು.

ಕು.ಶಿ. ಹರಿದಾಸಭಟ್ಟ (ಉದಯವಾಣಿ - ೨೬ ನವೆಂಬರ್ ೧೯೯೪)

... ಈ ಪುಸ್ತಕದಲ್ಲಿ ನಿರೂಪಿತವಾದ ಇತಿಹಾಸ ಉಲ್ಲಾಸದಾಯಕವಾಗಿದೆ.  ಅದರ ವ್ಯವಸ್ಥೆಯಲ್ಲಿಯೇ ಒಂದು ಸೊಗಸಿದೆ; ವಿನ್ಯಾಸದಲ್ಲಿ ವೈವಿಧ್ಯವಿದೆ.  ಕೆಲವು ಇತಿಹಾಸ ನಿರೂಪಣೆಗಳಲ್ಲಿ ಕಣ್ಣುಪಟ್ಟಿ ಕಟ್ಟಿಕೊಂಡ ಏಕಮುಖತೆ ಇರುತ್ತದೆ.  ಅಕ್ಷರರ ಬರವಣಿಗೆ ಆ ತೆರನಾದುದಲ್ಲ.  ಇತಿಹಾಸವನ್ನು ಸಮಗ್ರ ದೃಷ್ಟಿಯಿಂದ ಪರಿಶೀಲಿಸುವ ಅವರ ಪ್ರಯತ್ನ ಆಕರ್ಷಕವಾಗಿದೆ... ರಂಗಭೂಮಿಯ ಇತಿಹಾಸವನ್ನು ಹೇಳುವಾಗ ಏನೆಲ್ಲ ಸಂಗತಿಗಳನ್ನು ಅಕ್ಷರರು ತಳಕು ಹಾಕುತ್ತಾರೆಂಬುದು ವಿಶೇಷ ಉಲ್ಲೇಖಕ್ಕೆ ಅರ್ಹವಾಗಿದೆ.

ಹಾ.ಮಾ. ನಾಯಕ (ಕರ್ಮವೀರ - ೧೮ ಡಿಸೆಂಬರ್ ೧೯೯೪)


Attributes
Author ಅಕ್ಷರ ಕೆ.ವಿ.
Translator / Editor
Number of pages 416
Year of Publication 2018